×

مہمند میں افسوسناک واقعہ، متعدد زندگیاں دم توڑ گئیں ، ہرطر ف سوگ کی فضا ، اہل علاقے بھی نڈھال

مہمند(نیوز ڈیسک)خیبرپختونخوا کے ضلع مہمند میں ماربلز کی کان بیٹھ گئی جس کے باعث 8 مزدور دب کر جاں بحق ہوگئے۔ڈسٹرکٹ پولیس آفیسر طارق حبیب کے مطابق ماربل کی کان بیٹھنے کا واقعہ تحصیل صافی میں پیش آیا جہاں متعدد افراد ملبے تلے دب گئے۔ڈی پی او کا کہنا ہے کہ ملبے سے 8 مزدوروں کی میتیں اور

6کو زخمی حالت میں نکالا گیا ہے جنہیں قریبی اسپتال منتقل کردیا گیا ہے۔ڈپٹی کمشنر افتخار عالم کا کہنا ہے کہ حادثے میں مزید اموات کا خدشہ ہے اور صوبائی ڈیزاسٹر منیجمنٹ اتھارٹی (پی ڈی ایم اے) سے امدادی کارروائیوں کےلیے ہیوی مشینری طلب کرلی ہے۔ریسکیو حکام کے مطابق پشاور اور چارسدہ سے ریسکیو کے اضافی اہلکار ضلع مہمند پہنچ گئے ہیں جہاں وہ سرچ اینڈ ریسکیو آلات کے ساتھ ہیوی مشینری اور ایمبولینسز کی مدد سے آپریشن میں حصہ لے رہے ہیں۔

اپنا تبصرہ بھیجیں